Isa sa mga local government units sa Capiz ang banwa sang Jamindan nga ginkilala sang Department of the Interior and Local Government (DILG) bangud sa paglab-ot sang High Functional Rating sa 2025 Anti-Drug Abuse Council (ADAC) Performance Audit.
Sa interview sang Bombo Radyo kay, Mayor Donnah Tupas Valdemar, Jamindan Capiz, iya ginpahayag nga ika-anum na ini ka tuig subong nga nakabaton sang pagkilala ang Jamindan may kaangtanan sa kampanya kontra iligal nga droga.
Suno kay Valdemar, may yara sang ADAC team ang banwa nga nagapasangkad sang partisipasyon sang komunidad, may yara man sang Balay Silangan nga requirement sang DILG, kag establisyemento para sa youth organization.
Pahayag pa niya, importante ang strong leadership sang local government agud mapatuman ang layi batok sa ilegal nga droga.
Dugang pa sang alkalde, ginahatagan igtalupangod sang komunidad ang drug prevention sa diin may daku nga bulig ang pagpakigbahin sang kabataan nga nagserbe nga lider sa kampanya kontra iligal nga droga.
