PONTEVEDRA, CAPIZ – Ginabulubanta mas ukon menus P500,000 ang nangin halit sang nagluntad nga sunog sa isa ka balay sa Sitio Camanci, Barangay Binuntucan, Pontvedra, Capiz.
Totally burned ang isa ka puluy-an nga ginapanag-iyahan ni Junel Barrosa, isa ka OFW kag residente sang amo nga lugar.
Sa impormasyon nga nakuha sang Bombo Radyo Roxas nagikan kay FO1 Arnold Delfin ginpahayag sini nga nakabaton sila sang tawag gikan sa isa ka rider nga may sunog takna ala 1:30 kahapon sang hapon kag gindeklarar nga fire out ala 1:50 sang hapon.
Apisar concrete ang balay sang mga biktima nangin madasig ang paglapta sang kalayo kabangdanan nga halos wala na nabilin sa sulod sang puluy-an.
Sa panaysayon naman sang bata sang tag-iya sang amo nga balay, naga-isahanon lang ini sa puluy-an sang nagluntad ang sunog.
Gilayon man nga nagtawag suno diri sa iya ang isa ka delivery rider agud magdul-ong kuntani sang iya parcel rason nga nakaguha ang amo nga bata.
Apang sang nagbalik na ini pasulod sa balay didto kag nadiparahan niya nga gaaso kag gadaba-daba na ang kalayo sa bahin sang kusina.
Gilayon naman ini nga nagpanawag sang bulig sa mga kalapit balay kag mga tricycle driver nga nakatambay malapit sa puluy-an agud salbaron ang sarang makuha nga mga gamit.
Wala naman sang kaswalidad sa nasambit nga insidente. Sa karon, nagapadayon ang imbestigasyon sang BFP-Pontevedra sa gintunaan sang kalayo.
