-- ADVERTISEMENT --
May ginasundan na nga person of interest ang mga otoridad sa kaso sang pagluthang-patay sa mag-amay sa Barangay San Roque, Tapaz, Capiz.
Sa interview sang Bombo Radyo kay Police Captain Delos Reyes, hepe sang Tapaz Municipal Police Station, padayon pa ang imbestigasyon kag ginapangita pa ang dugang nga mga testigo kag ebidensya agud matumod kung sin-o gid ang may kahimuan sa krimen.
Pahayag pa niya, may ginatan-aw na sila nga motibo kag anggulo sa likod sang pagpatay, apang indi pa ini pwede isugid sa publiko samtang padayon pa ang imbestigasyon.
Nagpanawagan man kapulisan sa mga residente nga may impormasyon nga magbulig sa imbestigasyon, agud mahatagan sang hustisya ang kamatayon sang mag-amay.
