Kulba ang nabatyagan sang isa ka laborer, matapos ginapahayag nga ginpahog ini nga pagapatyon sang isa ka BPAT member sa Sitio San Juan, Barangay Lonoy, Roxas City, Capiz.
Ginkilala ang biktima kay alyas “Guilbert”, 31-anyos kag residente sang Sitio San Antonio samtang ang ginapahayag suspek ang ginkilala kay alyas “Jojei”, yara sa legal nga pang-edaron kag residente sang Sitio San Juan sa nasambit nga barangay.
Sandig sa impormasyon nga nakuha sang Bombo Radyo nagikan sa Roxas City PNP, ginapahayag nga samtang nagapungko ang biktima sa tindahan ginbugno siya sang suspek kag gulpi lamang nga ginhaboy sang bote sang soft drink apang maswerte lamang nga wala ini maigo.
Bangud sa natabo gin-uyatan sang biktima ang kamot sang suspek tubtob nga natumba ini.
Matapos ang insidente didto na suno sa biktima nga ginpahog siya sini nga pagapatyon kung may dala lamang nga hinganiban ang nasambit nga suspetsado.
