-- ADVERTISEMENT --
Arestado ang isa ka lalaki matapos nga nadakpan sa akto nga nagapatigayon sang iligal nga sugal ukon “tumbo” sa Barangay Santa Fe, Pilar, Capiz.
Ang nadakpan amo si alyas Marv, 32-anyos kag residente sang Zone II, Barangay Poblacion, Estancia, Iloilo.
Sa impormasyon nga nakuha snag Bombo Radyo Roxas sa Pilar Municipal Police Station, ginpahayag nga nakumpiskar sa posisyon ni Marv ang mga gambling paraphernalia kag P650 nga koleksyon sang pataya.
Magapangatubang sang kaso nga paglapas sa Presidential Decree 1602 ukon Philippine Gambling Law nag nasambit nga arestado.
Sa karon, yara na ini sa kustodiya sang Pilar Municipal Police Station para sa nagakaigo nga disposisyon.
-- ADVERTISEMENT --
