-- ADVERTISEMENT --
ROXAS CITY — Arestado ang isa ka lalaki matapos madakpan nga nagapataya sang iligal nga sugal nga kilala bilang “bookies” sa Pueblo de Panay, Barangay Lawaan, Roxas City.
Ang suspetsado kamo si alyas “Jimmy”, 30-anyos kag residente sang Sitio Ilaya, Barangay Dinginan, Roxas City.
Suno sa report sang kapulisan, narekober sa iya ang improvised cotejo, mga gambling paraphernalia, kag P50.00 nga koleksyon halin sa pataya.
Sa karon, yara na sa kustodiya sang Roxas City Police Station ang suspetsado para sa nagakaigo nga disposisyon
