Lalaki, arestado matapos nga naaktuhan nga nagapataya sang iligal nga ‘STL Bookies’ sa banwa sang Pontevedra, Capiz

PONTEVEDRA, CAPIZ- Arestado ang isa ka lalaki matapos naaktuhan nga nagapataya sang illegal nga ‘STL Bookies’ sa Barangay Poblacion Ilawod, Pontevedra, Capiz.

Ang lalaki amo si alyas “Peter”, 38-anyos kag residente sang nasambit nga lugar.

Sa impormasyon nga nakuha sang Bombo Radyo nagikan sa Pontevedra Municipal Police Station, ginapahayag nga nakuha sa paghinakop sini ang improvised cotejo kag P1,500 nga kwarta.

Nagapangatubang ang nadakpan sa kaso nga pagbayolar sa Presidential Decree 1602 ukon ang Anti-Illegal Gambling Law.

Sa subong, nagapabilin ini sa kustodiya sang Pontevedra Municipal Police Station para sa nagakaigo nga doisposisyon.

Reported by Bombo Jessa Mae Siman De Los Santos