Arestado ang isa ka lalaki sa ginpatigayon nga buy-bust operation bangud sa ilegal nga pagbaligya sang armas sa Angelville, Brgy. San Jose, Roxas City.
Ang subject person amo si alyas Nath, 27-anyos, isa ka construction worker kag residente man sang nasambit nga lugar.
Sa impormasyon nga nakuha sang Bombo Radyo sa Roxas Component City Police Station, nadakpan ang subject person sa akto nga nagatransaksyon sang ilegal nga armas.
Nakuha sa paghinakop sang subject person ang isa ka homemade break-type 20 gauge shotgun nga wala sang serial number, isa ka bala , marked money na P100, kag boodle money nga P1,900.
Sa subong, yara na sa kustodiya na sang Roxas Component City Police Station ang subject peron nga magapangatubang sang kaso nga paglapas sa Republic Act 10591 o Comprehensive Firearms and Ammunition Regulation Act.
