Nataban sang isa ka ginapahayag Foreign National ang balor nga P43,000 nga kwarta sang isa ka lalaki sa Barangay Lanot, syudad sang Roxas.
Ang amo nga biktima ang nagapang-edaron sang 31-anyos kag residente sang Barangay Lawaan sa nasambit nga syudad.
Sa inisyal nga impormasyon nga nakuha sang Bombo Radyo, ginapahayag nga nagpalapit sa biktima ang amo nga suspek kag nagpamangkot kun ano ang itsura sang Philippine Money.
Suno pa nga samtang nagahinala ang biktima sa suspetsado wala sini nabataygan nga ginakuot na ang iya nga bag.
Matapos sini nga gin-entertain ang amo nga suspetsado, didto kag nahibaluan niya nga kulang na ang iya nga kwarta kag hinali nga nadula ang nasambit nga Foreign National.
Pahayag pa sang biktima nga ginhatagan ini siya sang peke nga 1dollar matapos nataban sa iya ang balor P43,000.
Ginapatihan nga daw kaangay ini siya ang ginbudol-budol kag na hypnotized sang nasambit nga suspetsado.
