SIGMA CAPIZ – Nagapabilin sa gihapon sa Mambusao District Hospital ang biktima para sa nagakaigo nga pagbulong, matapos ginlabo sa Sitio Sinandigan, Barangay Mianay, Banwa sang Sigma.
Matandaan nga ginkilala ang biktima kay alyas Ricky , 62-anyos, samtang ang suspek ang ginkilala kay alyas Peterly, 33-anyos, lunsay mga residente sang nasambit nga barangay.
Sa interview sang Bombo Radyo kay Police Captain Dennis Losbañes hepe sang Sigma Municipal Police Station, ginpahayag sini nga sang natabo ang insidente yara sa iya payag ang biktima nga nagahimo sang karusa, apang hinali lamang ini nga ginlabo sang suspek.
Bangud sini, nag-angkon sang pilas sa wala nga dalunggan kag kamot ang biktima.
Samtang, natigayon naman nga makaguha sa karsel sang Sigma Municipal Police Station ang suspek matapos magtakop ang reglementary period sini.
