ROXAS CITY – Presuhan ang ginsudlan sang 30-anyos nga hubog nga nagpinalupok sang armas kag nakuhaan pa sang granada sa Barangay Janguslob, banwa sang Dumarao, Capiz.
Nakilala ang suspek nga si Bryan Linteja sang Bingawan, Iloilo, apang temporaryo nga naga-estar sa Barangay Janguslob, Dumarao.
Nagpalab-ot sang impormasyon si Kapitan Rowena Hera sa mga kapulisan sa banwa sang Dumarao angut sa pagpalupok sang armas ni Linteja sa diin sa pagresponde sang mga pulis, ila nakit-an nga nagauyat sang armas luthang ang ginareklamo nga si Linteja.
Samtang sa pagrekisa sang mga pulis sa ginareklamo nakuha sa iya posesyon ang isa ka granada.
Natalana nga pasakaan sang panumbungon nga paglapas sa RA 10591 ukon illegal possession of firearms and ammunition ang ginareklamo.
