Lalaki nga magapamalaye, naghikog bangud ginaproblema ang puturo sang mangin pamilya

ROXAS CITY – Patay ang 28-anyos nga lalaki matapos naghikog sa isa ka kahoy sa kilid sang suba sa Barangay Bungsuan, Dumarao, Capiz.

Indi makapati ang pamilya ni Brylle Lacorte nga mahimo magpanginmatay sang ila himata bangud may plano na ini nga magpamalaye sa balay sang nobya

Apang lima ka adlaw antes ang pagpamalaye sang biktima, natalupangdan sang iya pamilya nga wala ini sang tulog tobtob hinali nga nangindulaan sa ila balay.

Tanan halos nga himata sang pamilya Lacorte ang nagbulig na sa pagpangita sa biktima tobtob nasapwan ini nga nakabitay na sa kahoy malapit sa suba.