Pilason ang isa lalaki nga nagamaneho sang motorsiklo matapos nabungguan sang armored car sa Barangay Mianay, Ivisan Capiz.
Ang driver sang motorsiklo amo si alyas Jasper, 21, soltero, kag residente sang Poblacion Norte, Sigma Capiz.
Samtang ang driver naman sang armored car amo si alyas Rex, 45, kasado, kag residente sang Bangkeling Street, Barangay Tiza, Roxas City.
Sa interview sang Bombo Radyo kay Police Master Sergeant Edwurd Peter Harion, Traffic Investigator, sang Ivisan Municipal Police Station, iya ginpahayag nga naghalin ang motorsiklo sa banwa sang Sigma kag padulong kuntani sa banwa sang Ivisan sang natabo ang aksidente.
Suno kay Harion, nag-overtake ang armored car sa una nga duha ka motorsiklo.
Apang, gulpi lang nagliko pawala ang motorsiklo nga ginamaneho sang biktima rason nga nabungguan niya ini.
Gilayon naman nga gindala sang ospital ang biktima agud madapatan sang nagaka-igo nga pagbulong.
