Lalaki patay matapos nga makuryente kag nahulog sa landmark pole sa banwa sang Dumarao

ROXAS CITY – Patay ang 21-anyos nga lalaki matapos nga nakuryente kag nahulog nagikan sa landmark pole sa Barangay Poblacion Ilaya, Dumarao, Capiz.

Ginkilala ang biktima kay Gary Orquia Martinez, residente sang Barangay Jambad sang nasambit nga banwa.

Sa nakuha nga impormasyon sang Bombo Radyo sa Dumarao Municipal Police Station, nagsaka ang biktima sa landmark pole agud kuntani kay-uhon ang nagahilay nga street light apang aksidente sini nga nakaptan ang main wire sang CAPELCO rason nga nakuryente ini kag nahulog.

Bangud sini, nag-angkon sang patal nga pilas ang biktima kun sa diin ginpadangat pa ini sa Dao District Hospital apang gindeklarar nga dead on arrival sang doktor.