Pilason ang isa ka ka lalaki matapos ginapahayag ginlabo sang kaugalingon sini nga bayaw sa Barangay Duyoc, Dao, Capiz.
Ginkilala ang biktima kay alyas “Vicente”, 29-anyos, kag residente sang nasambit nga lugar, samtang ang ginatudlo naman nga suspek ang ginkilala kay alyas “Remuel”, 30-anyos, kag residente sang Brgy. Bangonbangon, Sigma, Capiz.
Sa interview sang Bombo Radyo kay PSSg. Gavin Gonzales, Imbestigador sang Dao MPS, ginpahayag sini nga sang nagkit-anay ang magtimbang nga bahin sa isa ka tyangge, una nga ginlampusan sang biktima ang suspek gamit ang kawayan kag naigo ini sa li-og. Bangud sa paglampos sang biktima sa suspek, hinali man nga naghunos ang suspek sang tabas kag ginlabo sini si “Remuel” sa nawala sini nga kamot.
Gilayon naman ini nga ginrespondehan sang mga kagawad sang amu nga barangay antes nga gindala sa Dao District Hospital, para sa nagakaigo nga pagbulong.
Samtang, natigayon naman nga madakpan ang suspek pinaagi sa mga naka-standby nga barangay kagawad kag gilayon ini nga gin-turn-over sa mga kapulisan.
Nahibaluan nga nagpang-apin ang biktima sa iya sini nga utod nga ka live-in partner sang suspek, bangud ginaalegar nga ginasakit ini sang suspek.
Sa karon, nagapabilin pa sa ospital ang biktima samtang ginhilway naman ang suspek sa Dao MPS matapos nagtakup ang regelementary period of detention sini.
