ROXAS CITY– Gin-athag sang Land Transporation Office nga wala ini sang otoridad nga mangdakop sa mga colurum ukon indi rehistrado nga traysikol nga nagabyahe sa syudad sang Roxas.
Sa ginpatigayon nga PIA Kapihan Episode 35 nga Land Transportation Office (LTO)-Roxas City Updates, ginpahayag ni Mr. Warren Dureza, Information Officer sang amu nga ahensya nga ang regional office sang ahensya ang nagahiwat sang special operation agud mangdakop sang mga indi rehistrado nga mga traysikol nga nagabyahe.
Nahibaluan nga nagapanguna ang mga colurum sa ginareklamo sang mga rehistrado nga mga traysikol drivers kag owners.
Samtang, ginaduso namn sang Land Transportation Office (LTO) ang mandatory registration sang mga Electric- bike agud magahagan- hagan na ang mga ini sa dalanon.
Dugang pa sini, ginalauman nga subong nga tuig maaprubahan na sang Central office nga ang tanan nga E- bike nga maglab-ot sa 50 kilos pataas ang bug-at ang kinahanglan nga iparehistro. Suno pa kay Mr. Dureza, kinahanglan nga ang E- bike may headlight, signal light, stop light kag iban pa kaparehas man sang motor, apang kun indi maparehistro ang nasambit nga Electric bike mahimo nga ma-impound.
