ROXAS CITY – Boluntaryo nga ginsungka ni punong barangay Ferdinand Bacanto sang Barangay Culilang, President Roxas kag Liga ng mga Barangay President-President Roxas Chapter ang pito ka mga armas kag mga bala sa President Roxas PNP.
Kalakip sa mga armas nga ginturn over sang punong barangay amo ang (2) homemade shotgun nga may isa ka magazine, (1) shotgun, (1) magazine, (1) Colt 45 Caliber pistol, (1) Homemade Grease Gun kag (1) 38 revolver.
Ginpahayag ni Police Captain Armando Clavaton, hepe sang President Roxas PNP nga ginsungka ni Kapitan Bacanto ang armas sang iya mga tinawo matapos ginpahanumdum ini sang nagapadayon nga kampanya sang PNP batuk sa ginadumilian nga pusil.
Ginakabig nga mga loose firearms ang mga armas nga ginsungka ni Punong Barangay Bacanto nga yara karon sa kostodiya sang President Roxas PNP.
