Dakop ang lima tanan ka tripulante matapos nagapatigayon sang iligal nga pagpangisda nga wala sang nagakaigo nga permit sa kalalawran nga sakop sang banwa sang Panay.
Ginkilala ang mga nagkaladakpan nga sanday alyas “Joevani”, 58-anyos, boat captain, alyas “Wendel”, 21-anyos, alyas “Joviele”, 53-anyos, alyas “Andy”, 53-anyos, kag alyas “Michael”, 28-anyos nga lunsay mga residente sang Barangay Marita, President Roxas, Capiz.
Nakuha sa ila posisyon ang isa ka unit sang pump boat nga nagabalor sang P150,000, duwa ka unit sang makina—16hp kag 12hp nagabalor sang P40,000, fishing net with complete accessories nga may balor nga P50,000, kag kapin 30 ka kilos nga nanari-sari nga mga isda nga nagabalor sang P8,000.
Sa karon, yara na sa paghinakop sang MENRO-LGU Panay ang mga nagkaladakpan kalakip na ang mga narekober nga kagamitan para sa nagakaigo nga disposisyon.
