MAMBUSAO, CAPIZ – Ginapahayag accident prone area ang lugar kun sa diin nasapwan patay ang isa ka lalaki sa Barangay Bula, Mambusao Capiz.
Matandaan nga ginkilala ang biktima kay alyas “Fredireck”, 29-anyos kag residente sang Barangay Bilao, Sapian Capiz.
Sa pagpakig-angut sang Bombo Radyo kay Barangay Kagawad Emmanuel Castillion sang Barangay Bula, aminado ini nga wala sang bastante nga suga, signages kag barrier ang ginluntaran sang insidente rason nga ginatinguhaan nila nga mahatagan sang nagakaigo nga aksyon.
Suno kay Castillion nga magapatigayon sila sang paghinun-anon agud gilayon nga mahatagan sang aksyon ang madamu nga mga kaso sang aksidente sa lugar.
Panugyan sang amo nga Barangay Kagawad sa mga naga-agi sa lugar nga maghalong ilabi na kun gab-i kag imentinar nga mahinay ang pagpadalagan.
