Tuman ang kasakit sang isa ka iloy matapos gintiro kag ginpatay ang iya duha ka kabataan sa sulod sang ila puluy-an.
Natabo ang krimen sa Cebu City sang Christmas Day nga amo man ang birthday sang ila iloy.
Ang mga biktima amo sanday Melber kag Rommel Fernandez.
Supek naman sa pagpangluthang ang ila kaingod balay apang nadakpan naman pila ka oras matapos ang pagpangluthang.
Nahibaluan nga bag-o lang nakaguwa sa prisuhan si Melber bangud sa pagpatay sa himata sang suspek.
Pagtimalos naman ang ginalantaw nga motibo sa suspek sa pagpatay sa mga biktima.
Suno sa asawa ni Rommel, duha ka lalaki ang nagsulod sa ila balay kag una nga ginluthang si Melber.
Sang gintinguhaan ni Rommel nga buligan ang iya utod, ginluthang man ini.
Tuman naman ang kasubo sang iloy sang mga biktima nga si Merlinda bangud sa pagkadula sang iya duha ka kabataan kadungan sang iya kaadlawan kag paskwa.
