Pilas ang naangkon sang isa ka manghud nga mangunguma matapos ini nga ginlabo sang iya magulang sa Barangay Bun-od, Cuatero, Capiz.
Ginkilala ang biktima kay alyas Zaldy, samtang ang suspek ang ginkilala kay alyas totong, mag-utod kag lunsay mga residente sang nasambit nga lugar.
Sa interview sang Bombo Radyo kay Police Captain Alladen Talaban, hepe sang Cuartero PNP, ginpahayag sini nga yara sa impluwensya sang makahulubog nga ilimnon ang duha ka mag-ululutod sang natabo ang insidente.
Suno pa nga indi ini magkaupod inom ang duha sang nagpauli ang manghud nga hubog kag nagpatunga ang komusyon sa duha kag nagdangat sa hinali nga pagkuha sang bolo sang magulang kag ginlabo ang iya nga manghud.
Suno kay hepe na-igo sa dughan si alyas Zaldy sa dughan kag madasig ini nga ginpadangat sa ospital para sa nagakaigo nga pagbulong samtang gilayon man nga nagsungka sa opisyal sang barangay ang magulang nga suspetsado.
Sa karon, yara na ini sa kustudiya sang Cuartero Municipal Police Station para sa nagakaigo nga disposisyon apang ginahulat pa ang desisyon sang pamilya.
