ROXAS CITY – Nagpangayo sang patawad ang manunudlo sang pampubliko nga eskwelahan sa pamilya sang estudyante nga ginbasyahan sini sang tubig.
Sa exclusive interview sang Bombo Radyo Roxas kay Mark Anthony Posadas, amay sang Grade 2 pupil nga nagabutho sa Don Condrado Francisco Dinglasan Memorial School, ginpahayag sini nga naglagda sila nga ginapatawad na si Mr. Salvador Bulao Jr., apang desidido ang pamilya nga madisiplina kag matudluan sang leksyon ang nasambit nga manunudlo.
Suno kay Posadas nagreklamo sila sa principal sang eskwelahan bangud matapos nga nagpauli nga basa ang anak ginlagnat ini pagkagab-I kag nahadluk na nga mag-eskwela.
Aminado ang amay nga gin-ako sa ila sang manunudlo sang mag-atubangay sila sa principa’s office nga ginbasyahan sini sang tubig ang menor de edad, apang gin-athag nga indi ini ang tuyo nga basyahan kundi ang mga Grade 6 pupils nga magahud kag masabad.
Nahibaluan nga kinaandan na sang nasabit nga manunudlo nga magbasya sang tubig sa mga estudyante bilang pamaagi sang iya nga pagdisiplina.
