ROXAS CITY, CAPIZ – Yara sa 63 ka kapulisan lakip ang apat ka mga opisyal ang i-deploy sa Roxas City bilang kabahin sang seguridad sa State of the Nation Address (SONA) ni President Ferdinand “Bongbong” Marcos Jr.
Sa interview sang Bombo Radyo kay Police Captain Shaney Allanic, Assistant Chief sang Provincial Plans and Program Unit, iya ginpahayag nga naka-standby ang kapulisan sa plaza kag iban pa nga strategic areas sa syudad agud masiguro ang kalinong sa tion sang SONA.
Suno kay PCPT. Allanic, ginalauman ang posibilidad nga rally sang pila ka grupo, apang subong nga aga wala pa sang na-report nga nagkuha sang permit para magpatigayon sini. Gani, padayon ang pagbantay sang kapulisan sa posibilidad sang amo nga aktibidad.
Magapadayon ang pag-standby sang mga pulis tubtob matapos ang SONA, bilang kabahin sang preparasyon kag seguridad sa bilog nga probinsya.
– Interviewed by: Bombo Jessa Mae Siman De Los Santos
