Nag-parekord sa Sigma Municipal Police Station ang Sangguniang Kabataan Chairman sang Barangay Bangon-bangon, Sigma, Capiz nga si Carl Niel Villaruz matapos madula ang apat ka mga cheke nga budget sang Sangguniang Kabataan samtang yara sa sulod sang liga office sang tinalikdan nga Hulyo 09, 2024.
Makaligad ang pila ka adlaw nga pagpinangita pinaagi sa pagkuha sang record sa mga transaction sa bangko, diri na lamang nakita nga ang pila ka mga cheke ang ginbayad sa isa ka balaligyaan nga nahamtang sa Brgy. Adlawan, Roxas City.
Sa ila pagpadulong sa amu nga balaligyaan, gintudlo naman sila sa computer services store, nga nahamtang sa San.Roque St. Roxas City.
Diri na ginpahayag sang isa sa mga empleyado nga ang nagbayad sa ila sang cheke nga nagtransaksyon sang mga computer kag school supplies, amo si John Lynnel Alayon nga SK Chairman sang Poblacion Sur, Sigma, Capiz, ginapahayag nga gin-ilog ni Alayon ang pirma ni Villaruz para matransak ang amo nga cheke sa mga kagamitan rason nga indi man basta mabalik sang kahera ang mga cheke.
Nakigkita naman si Villaruz sa iloy ni Alayon sa puluy-an ni Brgy. Kapitan Alex Adcan sang Bangon-bangon kag nagpromisa nga igabalik ang kantidad nga nagasto sang iya bata.
Pagkasunöd nga adlaw, Hulyo 15, ginbalik sang iloy ni SK Chairman Alayon sang Poblacion Sur, Sigma ang kantidad nga 97,500 kay Sk Chairman Niel Villaruz nga yara ang presensya ni Punong Barangay Alex Adcan.
