Mga jeepney driver sa Roxas City, nagaluyloy ang abaga sa padayon nga pagsaka sang presyo sang gatong

Nagaluyloy ang abaga sang mga jeepney driver sa Roxas City sa padayon nga pagsaka sang presyo sang gatong bangud sa nagapadayon nga tensyon sa Middle East.

Sa interview sang Bombo Radyo kay Randy Ramos, jeepney driver nga may rota nga Dao–Cuartero vice versa, iya ginpahayag nga maiwat ang ila kita sa adlaw-adlaw sa diin yara nalang ini sa P300

Suno kay Ramos, bisan may fuel subsidy ang gobyerno, indi ini kaigo agud masustener ang ila pang-adlaw-adlaw nga pangabuhian.

Dugang pa sini, posible nga mag-untat na sila sa pagbyahe kun magapadayon ang pagsaka sang presyo sang gasolina.

Nagapangabay man ini sa gobyerno nga mahatagan sang solusyon ang problema sa padayon nga pagsaka sa presyo sang gatong.