Mga talipapa nga nahamtang sa kilid sang karsada sa Brgy. Lawa-an, pahalinon na suno kay PB Asis

LAWA-AN, ROXAS CITY – Pagasuguran subong nga adlaw ang road clearing operations sa national highway sang Brgy. Lawa-an, Roxas City.

Kalakip sa mga maapektuhan amo ang mga talipapa nga nahamtang sa kilid sang karsada sa nasambit nga lugar.

Suno kay Punong Barangay Joceleyn Asis, mandu sang Department of Interior and Local Government National nga pagahimuson ang kutob nagatuga sang obstruction sa highway kag footwalk.

Kaupod sang Barangay sa pag-implementar amo ang mga inter-agency kasubong sang Department of Public Works and Highways (DPWH), kapulisan kag iban pa.