ROXAS CITY, CAPIZ- Nagpa-bombo ang mga vendors nagikan sa segundo distrito sang probinsya sang Capiz, sa Teodoro Arcenas Trade Center (TATC) sa ginpahayag indi maayo nga pagtratar sa ila sang tagdumalahan sang nasambit nga merkado.
Sa interview sang Bombo Radyo kay Clara Arroyo kag Maricel Abijan, mga vendors sa TATC, ila ginpahayag nga naeksperyensyahan nila suubong nga adlaw ang pagpahalin sa ila nga ginapwestohan sa pagbaligya sa nasambit nga merkado.
Dugang pa nila, duwa manlang suno sila ka-adlaw nga nagabaligya partikular sa adlaw sang Sabado kag Dominggo rason nga kuntani indi sila pagsubulon kag pauntaton sang pagbaligya sang timprano.
Ginpahayag nga isa sa rason kun ngaman nga ginapasirado sila sang timprano sa ila nga pagbaligya bangud sa mga kaangay man vendors nga yara sa sulod sang merkado napahamtang nga nagareklamo nga indi nagakabaklan sang mga bumalakal bangud nga sila ang kabangdanan.
Panawagan sini nila sa alkalde sang syudad nga kuntani hatagan sila sang nagakaigo nga pwesto nga amo ang ila pagabalik-balikan sa kada tion nga magbaligya sila indi sa kun sa diin lang sila suno nga ipahamtang sa diin nga nabudlayan sila bangud sa mga mabug-at ang ila dala nga mga paninda.
Nagalaom ang nasambit nga mga vendors nga mahatagan sang nagakaigo nga aksyon ang kaangay indi maayo nga pagdumalahan sang tagdumala sang Teodoro Arcenas Trade Center.
Samtang, bukas naman ang istasyon sang Bombo Radyo Roxas para sa pagpalab-ot sang paathag sang pihak nga bahin nga amo ang ginareklamo.
