Gin-athag sa karon sang Office of the Vice President (OVP) nga private trip lamang ang pagpadulong ni Vice President Sara Duterte sa Japan.
Sa impormasyon nagikan sa talatapan sang bise presidente, nahibaluan nga personal nga ginpadulungan sang opisyal ang pila ka grupo sang mga overseas Filipino workers (OFWs).
Natabo ini sang nakaligad nga weekend kag sa karon nakabalik na sa Pilipinas si Duterte.
Wala naman sang ginpaguwa nga impormasyon ang OVP kun ano ang rason ni VP Sara sa nangin byahe sini sa Japan.
Una na nga ginhinyo sang bise nga kuntani hatagan man ini sang privacy ang byahe sini, ilabi na kun kaupod sini ang mga bata sini.
Matandaan nga naglapta sang damlag lang ang mga laragway sang mga bata ni VP Sara, butang nga gin-almahan sang opisyal ilabi na nga mga minor de edad pa ang mga ini.
