Nagnubo ang numero sang mga wala sang trabaho nga mga Pilipino sang Pebrero 2026 suno sa report sang Philippine Statistics Authority (PSA).
Suno sa PSA, ang unemployment rate ang na-record sa 5.1% sang Pebrero, mas manubo sa 5.8% nga na-record sang Enero. Nagakahulugan ini nga ginabulubanta 2.66 million ka Pilipino ang wala sang trabaho, kon ipaanggid sa 2.96 million nga narekord sang nagligad nga bulan.
Ang underemployment rate nagnubo man sa 11.8% sang Pebrero, halin sa 13.2% sang Enero.
Suno kay PSA Undersecretary kag National Statistician Claire Dennis Mapa, ang sektor sang serbisyo, partikular ang industriya sang call center, padayon nga nagapanguna sa paghimo sang trabaho.
Apang, nagpaandam si Mapa nahanungod sa posible nga mga pagpanghangkat, kaangay sang tensyon sa Middle East nga may epekto sa supply kag presyo sang langis, nga mahimo tunaan sang pagtaas sang domestic inflation kag mabudlayan ang pagkuha sang mga empleyado sa palaabuton.
