Ordinansa agud mapabilin ang katahom kag katinlo sa higad sang baybayon sa syudad sang Roxas, igaduso

ROXAS CITY – Luyag iduso ni City Councilor Bords Viterbo, Chairman sa Committee on Tourism and Heritage, Culture and Arts, ang isa ka ordinansa kun sa diin paga-obligahon ang mga tag-iya sang establisyemento nga yara sa higad sang baybayon sang syudad sang Roxas nga ipabilin nila nga matahom kag matinlo ang kutob sang ila nasakpan nga bahin.

Mangin kaupod diri ni Konsehal Viterbo sanday Dr. Pip acepcion nga amu ang Committee Chairman on Health, Nutrition, and Sanitation, kag Konsehal John Paul Arcenas nga amu ang Committee Chairman on Environmental Protection and Disaster Preparedness.

Apang, pagahinalaan pa ini sa liwat agud madiskusyunan ang kaungdan sang nasambit ordinansa.