ROXAS CITY – Natalana nga bisitahon ni outgoing Governor Antonio Del Roxas ang tanan nga mga pampubliko nga mga hospital sa probinsya antes magbiya ini sa pwesto sini nga bulan.
Kalakip sa mga opsital nga pagabisitahon ni del Rosario amo ang Mambusao District Hospital, Roxas Memorial Provincial Hospital (RMPH Building) sa Barangay Lanot kag Tapaz District Hospital.
Suno kay outgoing Gov. Del Rosario ginatutukan niya sa karon ang pagpahuman sa mga pampubliko nga mga ospital sa diin isa ini sa legasiya sang iya nga administrasyon.
Ginpahayag pa sini nga luyag lamang niya nga mapaayo ang tanan nga mga pasilidad sang ospital para sa mga pumuluyo.
Ginpabugal man ni Del Rosario nga halos tanan nga mga kapalpakan sang anay administrasyon ang nahatagan sini sang solusyon.
Samtang, nagpabutyag naman sang kalipay si Dr. Jean Gloria, Chief of Hospital sang Tapaz District Hospital sa pagbisita ni Del Rosario sa balay bulungan.
Tapaz District Hospital sa pagbisita ni Del Rosario sa balay bululngan.
Suno kay Gloria, dako na nga bulig para sa mga pasyenti ang proyekto kag programa sang gobernador para sa ikaayong lawas.
Ginpahayag man sini nga wala man sang problema pag-abot sa mga nurses kag mga doctor nga naga-duty sa amo nga ospital.
Samtang may yara na lamang sang minimal nga mga kakulangan sa pasilidad ang amo nga ospital.
