Gin-almahan ni Liberal Party President kag Albay 1st District Representative Edcel Lagman ang desisyon sang Malacañang nga himuon nga Agosto 23 ang Agosto 21 nga pagbalikid sa pagkapatay ni anay Senador Ninoy Aquino.
Suno kay Lagman, ang pagtaliwan ni Aquino ang dapat dumdumon sa adlaw nga ginpatay ini.
Paathag ni Lagman, wala sang holiday economics ukon domestic tourism boost ang makalabaw sa kabayanihan ni Ninoy.
Para kay Lagman, hindi dapat suno diri ginabag-o ang petsa sang national memorials bangud ginpaanubo sini ang importansya sang nasambit nga mga importante nga kahiwatan sa aton kasaysayan.
Dugang pa ni Lagman nga naglapas sa Republic Act No. 9492 ang pagbag-o sa Ninoy Aquino Day bangud napaslawan si Presidente Ferdinand “Bongbong” Marcos Jr., nga ideklarar ini anom ka bulan bag-o ang Agosto 21.
