Nagapasalamat ang mga residente sang Barangay Banica, Roxas City matapos nga natigayon nga maaresto ang isa ka lalaki nga ginakabig gabunan nga kawatan.
Ang lalaki amo si alyas “Noljohn”, 18-anyos kag residente sang Sitio Andrada Subdivision, Barangay Banica, Roxas City.
Sa interview sang Bombo Radyo kay Punong Barangay Mike Xander Agrasada sang Barangay Banica, Roxas City, iya ginpahayag nga mapahagan-hagan na sa ila nga barangay ang serye sang nagakahinabo nga kinawatay.
Madumduman nga pamaagi sa isa ka buybust operation, natigayon nga naaresto ang amo nga lalaki.
Nakuha sa paghinakop sini ang isa (1) ka unit sang .38 caliber revolver , tatlo (3) ka mga bala, kag P4,000 nga buy-bust money.
Nagapangatubang ini sa kaso nga paglapas sa Republic Act 10591, ukon “Comprehensive Firearms and Ammunition Regulations Act.”
Sa karon, nagapabilin ang arestado sa Roxas City Police Station para sa nagakaigo nga disposisyon.
With a report from Bombo Jessa Mae Siman De Los Santos
