Madugay na nga ginaproblema ang pagkarera sang motorsiklo sa national highway sang Barangay Capago, Panitan, Capiz.
Sa interview sang Bombo Radyo kay Police Captain Merry Chris Dela Cruz, Public Information Officer sang Capiz Police Provincial Office kag Hepe sang Panitan Municipal Police Station, iya ginpahayag nga may yara na sila sang mga nagkaladakpan nga magakarera kuntani apang nagapadayon sa gihapon ang iban sa pagpatigayon sa nasambit nga aktibidad.
Suno kay Police Captain Dela Cruz, gina-verify pa sang ila talatapan ang organizer sang pagkarera kag kun may yara sang involved nga pagpustaanay sang kwarta nga hugot nga ginabawal.
Pahayag pa niya, nagpakig-angot man sila sa pamunuan sang Barangay Capagao sa pagbantay sang nasambit nga lugar agud wala na sang may magpatigayon pa sang anuman nga klase sang pagkarera.
Nagpanawagan man ang natungdan, nga untaton na ang illegal nga pagkarera agud malikawan ang disgrasya sa dalanon.
