Nanawagan ang House Committee on Aquaculture and Fisheries Resources ang Department of Agriculture (DA) nga hatagan sang patas nga pagtalupangod ang pagpasanyog sang mga modern nga pasilidad agud mapabaskog ang produksyon sang isda kag makabulig sa pagnubo sang produksiyon sang isda sa West Philippine Sea (WPS).
Sa pagpanguna ni Representative Brian Raymund Yamsuan, chairman sang Komite, nakig-isa si House Minority Leader kag 4PS Partylist Rep. Marcelino Libanan sa panawagan sa DA, pinaagi sang Philippine Fisheries Development Authority (PFDA), nga magtukod sang mas madamo nga fish port kag cold storage facilities sa Samar, Leyte kag sa iban pa nga probinsiya sa Visayas sa eastern seaboard sang pungsod.
Sa pagdinig sang komite, ginganyat man ni Yamsuan ang PFDA nga himuon nga mas timprano ang timeline sang pagpatukod sang fishport sa munisipyo sang Oras, Eastern Samar sa 2025 ukon 2026, imbes sa orihinal sini nga iskedyul nga 2028.
Pareho nga gintuad nanday Yamsuan kag Libanan nga ang 2028 schedule para sa pagpatukod sang Oras fishport ang natalupangdan sa kaangay nga manubo nga prayoridad nga ginahatag sang PFDA sa pagsanyog sang industriya sang pagpangisda sa eastern.
“This is ironic considering that the eastern seaboard is alongside one of the most productive portions of our waters in terms of fisheries resources. The provinces along the eastern seaboard have more than a 100 coastal municipalities dependent on fishing as their main source of livelihood, and a coastline stretching more than 2,000 kilometers,” pahayag ni Yamsuan.
Suno kay Yamsuan, luyag sini nga makaistorya si Agriculture Secretry Francisco Tiu Laurel Jr. nga sakuan ang pagpatukod sang fishport sa Oras kag mangin ang iban pa nga mga proyekto kag programa sa eastern seaboard.
Sandig sa Philippine Statistics Authority (PSA), sa una nga katunga sang 2024, nagnubo sang 6.78 porsiyento ang fish catch sa WPS kag nangin 101,039.54 metric tons (MT) gikan sa 108,392.48 MT para sa kapareho nga tion sang 2023.
“According to the Bureau of Fisheries and Aquatic Resources (BFAR), the country’s fish spoilage is at 25 to 40 percent. This is because of the fact that we lack modern facilities like fish ports with cold storages to reduce post-harvest losses. These are what we need in Eastern Samar and other provinces along the eastern seaboard, so that they can contribute more to our fisheries output,” pahayag ni Libanan.
