Tuman ang kasubo nga nabatyagan sang pamilya sang nasapwan-patay sa Barangay Bula, banwa sang Mambusao.
Matandaan nga ginkilala ang bangkay kay alyas “Frederick” isa ka negosyante kag residente sang Barangay Bilao sa banwa sang Sapian.
Sa pagpakig-angut sang Bombo Radyo kay Roger Quiachon, magulang sang biktima ginpahayag sini nga tubtob subong indi sila makapati sa nahitabo sa iya nga manghud.
Suno sa iya, masami man ini nga nagabyahe kun gab-i apang sang tion nga nagpadulong ini sa iya nga asawa sa Sigma, naka-inum ini.
Pahayag pa ni Quiachon nga nag-away sila sang iya nga asawa gani nagpauli ini sa ila nga balay sa Sapian.
Rason nga samtang ginasubay sang biktima ang dalanon sa may bahin sang Barangay Bula sa Banwa sang Mambusao, hinali ini nga nadisgrasya.
Nagdugay pa sang 3 ka adlaw ang pagpangita sang amo nga biktima.
Sa karon, ginapadalaman pa sang mga kapulisan ang imbestigasyon angut sa insidente.
