Pick-up, naglapaw sa karsada samtang ginasubay ang dalanon sa banwa sang Tapaz; nakapark nga motorsiklo, naulamid

Naglapaw sa karsada ang isa ka pick-up samtang ginasubay ang dalanon sa bahin sang Barangay Malitbog, banwa sang Tapaz.

Sa impormasyon nga nakuha sang Bombo Radyo , padulong kun tani sa banwa sang Sigma ang amu nga pick-up nga salakyan nga ginasakyan sang mag asawa, apang pag-abot sa lugar hinali na lamang ini nga lumapaw sa karsada.

Mahibaluan nga bangud sa madanlog nga dalan, tuga sang pag-inulan ang rason sang paglapaw sang amo nga salakayan, apang bangud sa insidente naulamid pa ang isa ka motorsiklo nga nakapark sa kilid sang karsada.

Ginpasalig naman sang driver sang salakyan nga pagabayaran ang motorsiklo nga naulamid sa amo nga insidente.

Samtang, ginpahayag nga wala sang may napilasan sa amu nga aksidente.