Pila ka mga indibidwal nagrally sa atubang sang kapitolyo probinsiyal kag nagapanawagan sa pagpahalin kay PA Monares

Nagpatigayon sang rally ang pila ka mga indibidwal sa pagpanguna ni Susan Abool, nagapadalagan sa pagka-konsehal sang Roxas City sa atubang sang kapitolyo probinsiyal kaina sang hapon.

Ginasinggitan sang grupo ang pagpahalin kay Provincial Administrator Edwin Chinel Monares kag ang panawagan kay Governor Esteban Evan Contreras II nga sipaon na sa posisyon si Monares nga nagadala lamang sang halit kag kagamo sa probinsiya sang Capiz.

Nagalaum ang grupo nga pamatian sang gobernador ang ila panawagan para sa katawhayan sang tanan sa probinsiya.