Isa sa nagapanguna nga pagpanghangkat nga ginapangatubang sang Department of Migrant Workers (DMW) sa pagpauli sang mga OFWs gikan sa Gulf Region amo ang mga kaso nga gina-atubang sang pila sa ila kag ang ila immigration records sa mga host countries.
Ginpahayag ni DMW Secretary Hanz Leo Cacdac nga apisar may pila ka mga OFWs nga nag-expire na ang passports ukon yara na sa kamot sang amo ang ila mga dokumento apang ginaproseso pa ini.
Suno sa iya, mas nangin mabudlay ang mga kaso sa imigrasyon, kaangay sang 50 ka OFWs sa Kuwait nga kinahanglan nga magkuha sang clearance antes makapauli.
Ginpasalig man sang Department of Migrant Workers kag Overseas Workers Welfare Administration nga may yara sang bastante nga pondo para sa repatriation, lakip na ang P200 million nga napanghatag na sa foreign posts kag dugang nga pondo gikan sa Department of Budget and Management, samtang may yara pa sang P1.4 billion nga nabilin sa Emergency Repatriation Fund.
