Nangin daku nga bulig ang Jalaur Dam sa pagpahanubo sang kadamuon sang tubig nga nagsulod sa mga kabalayan sa madamo nga parte sang Panay Islands.
Suno sa National Irrigation Administration (NIA), nakabulig ang bag-o nga dam nga makatigayon sang pagtipon sang 19.57 million cubic meters per second sang tubig sa tunga sang mabaskog nga pag-ulan nga dulot sang bagyo.
Base sa opisyal nga datos sang dam, naglab-ot sa 95.37 million cubic meters ang lebel sang tubig sang Nobyembre 3 antes nagsugod ang mabaskog nga pag-ulan.
Pag-abot sang Nobyembre 5, nagtupa ini sa 114.19 million cubic meters.
Gindugang pa sang ahensya nga kon wala ang amo nga dam, posible nga ang milyon-milyon ka metro kubiko sang tubig amo na ang magbaha sa mga ubos nga komunidad nga apektado sang Jalaur River tubtob sa mga kabalayan malapit sa Guimaras Strait.
Nahibaluan nga opisyal nga ginbuksan ang amo nga dam sang Hulyo 16, 2024.
Ini ang pinakadaku nga dam nga natukod sa guwa sang Luzon.
