ROXAS CITY – Gilayon nga gin-aksyonan sang PNP Maritime sa Capiz ang ginpalab-ot nga reklamo sang mga mangingisda nagikan sa Barangay Dumulog, Cogon kag Culasi natuhoy sa pagpanamad sang ila arong nga ginatudlo kahimuan sang mga likos nga yara sa luyo Culasi Roxas City.
Sa interview sang Bombo Radyo kay Police Major Wilmar Bolivar Hepe sang Maritime Police nga nagpatigayon sila sang pagpatrolya sa kadagatan apang wala nila madakpan ang mga likos nga ginasamad ang mga arong sang mga nagareklamo.
Suno kay Bolivar nga dapat madakpan ini sila sa akto ukon may ara sang ebidensya para mapasakaan sang kaso.
Nakahinun-anon naman sini ang presidente sang mga likos kag nagpasalig nga magakooperar sa ila ahensya.
Dugang pa ni Bolivar nga wala nagauntat ang ila operasyon ilabi na sa illegal fishing kag pamatuod diri ang ila mga napasakaan na sang kaso.
Ginpanawagan man sini sa mga mangingisda nga bukas ang ila opisina sa mga reklamo nga ipaabot para gilayon man nga maaksyonan.
