Gin-ako ni anay Pangulong Rodrigo Duterte nga ginmanduan niya ang mga anay hepe sang Philippine National Police nga ganyaton ang mga suspected criminals nga magbato kag pananglitan nga magkasa gilayon nga patyon.
Ini ang ginbuyagyag ni Duterte sa imbestigasyon sang Senate blue ribbon subcommittee may kaangtanan sa madugo nga war on drugs sadtong tinaalikdan nga administrasyon.
Wala naman ginpalampas ni Senadora Risa Hontiveros ang nangin rebelasyon sang anay pangulo.
Gin-ako man ni Duterte nga may yara siya nga death squad sa Davao apang indi mga pulis kundi mga gangster.
Mga manggaran ang mga ini suno diri nga handa magpatay sang mga krimimal kag yara sa pito nga miyembro ang iya death squad.
Dugang pa sini nga iya ginkumpisar nga “niyayari” nya ang mga criminal kag linibo suno diri nga iya napatumba nga criminal sadtong siya pa ang alkalde sang Davao.
Pagklaro ni Duterte, wala niya ginabayaran ang miyembro sang iya death squad.
Pahayag naman ni Hontiveros nga “bombshell” ang ginsiling ni Duterte nga may yara sang death squad police man ukon indi ang yara sa likod sini.
Ini suno diri ang ila gina-imbestigahan kung ang ginhimo sa Davao City, nangin template sang drug war sa bilog nga pungsod sadtong nangin pangulo si Duterte.
Samtang, haboy naman ni anay Senadora Leila de Lima, ang pagganyat agud magpatay indi kalakip sa mandato mayor man ukon pangulo sang pungsod.
