Ginkumpirmar ni Palace Press Officer USec. Claire Castro nga ginbaton na ni President Ferdinand Marcos Jr ang boluntaryo nga pagbiya nanday Executive Secretary Lucas Bersamin kag DBM Secretary Amenah Pangandaman.
Suno kay USec Castro, nag-resign sanday Bersamin kag Pagandaman matapos nadalahig sa isyu sang budget insertions.
Dugang pa ni Castro, ginhimo sang duha ang tikang bilang pagpakita sang delikadeza.
Daku man ang pagpasalamat ni President Marcos sa serbisyo nga nahatag nanday Bersamin kag Pagandaman sa gobyerno.
Samtang, gin-appoint man ni President Marcos si Secretary Ralph Recto bilang bag-o nga Executive Secretary, samtang si Secretary Frederick Go ang bag-o nga Finance Secretary, kag si USec. Si Rolando Toledo ang gin-assign sa Department of Budget and Management.
