PRESIDENT ROXAS, CAPIZ- May yara na sang persons of interest ang mga katapo sang President Roxas Municipal Police Station sa natabo nga pagpangawat sa isa ka motorshop sa Barangay Poblacion Swa, sa amo man nga banwa.
Sa interview sang Bombo Radyo kay Police Major Alfred De Leon, Hepe sang President Roxas Municipal Police Station, iya ginpahayag nga posible indi lang isa ka persona ang nagpangawat bangud sa mga ginpangkuha sini nga mga pagkabutang.
Dugang pa sini, may posibilidad nga ang amo nga mga kawatan may ihibalo na may kaangtanan sa gina-off nga CCTV sa amo nga balaligyan. Indi man suno sa iya madula ang posibilidad nga isa ini ka sahi sang inside job.
Madumduman nga natigayon nga nataban sang kawatan ang 10 tanan ka mga tubeless nga goma, 10 ka mga karborador, walo ka litro sang engine oil, piggy bank nga nagasulod sang kapin P20,000, duha ka bentahan nga may mga sulod nga coins, kag mga original nga tools.
Sa karon, nagapadayon ang imbestigasyon sang mga kapulisan agud matumod ang pagkakilanlan sang amo nga kawatan.
Interviewed by Bombo Sunnie Mae Constantino Batencila
