Nangin mabinungahon ang pagturn-over sang mga cross breed kag pure breed nga buffalos sa mga mangunguma sang Barangay Binuntucan, Pontevedra, Capiz.
Sa interview sang Bombo Radyo kanday Dr. Emily Escala,Director sang livestock research and development center sang CAPSU Pontevedra kag Yearny Rufo nga isa ka dairy farmer, ila ginpahayag nga padayon ang pag-uswag sang programa para sa buffalo ukon carabao raising nga ginpatuman sa komunidad.
Suno sa ila, may 15 ka assisted farmers nga aktibo nga parte sang proyekto kag ginahatagan indi lamang sang kahibalo sa pag-atipan sang karabaw kundi pati man sa training sa pag-process sang milk para sa dugang nga income.
Pahayag pa nila ,matapos nakabaton sang pure breed kag crossbreed buffalos sa Barangay Binuntucan, upod sa bulig sang Philippine Carabao Center, nangin malipayon sila bangud ang iban sa ila karabaw nagaproduce na sang gatas samtang ang iban naman nagabusong na nga isa ka indikasyon nga successful ang proyekto halin sang pag-umpisa sini sang 2024.
Dugang pa sang mga natungdan, magapadayon ang ila proyekto nga ang main goal amo ang makabulig sa mas madamo pa gid nga farmers paagi sa pagpanami sang milk production.
Interviewed by: Bombo Sunnie Mae Batencila & Bombo Francis Biñas via Good Morning Philippines
