-- ADVERTISEMENT --
ROXAS CITY – Nagalaum si Senator Juan Edgardo Sonny Angara nga sundon sang gobyerno ang proseso, hatagan sang proteksyon kag respetuhon ang tawhanon nga kinamatarung ni Senator Leila de Lima nga nakabilanggo sa karon sa PNP costodial center.
Wala na naghatag sang komento ang senador sa ginapangatubang nga kaso ni de Lima bangud ginarespeto sini ang korte.
Apang suno kay Angara nga ma-miss nila sa sa senado si de Lima nga kilala nga isa ka maayo nga abugado kag aktibo sa mga deliberasyon sa mga isyu nga ila ginatalakay.
Magapungko sa committee on suffrage and electoral reform nga ginapamunuan ni Senator de Lima ang vice chairman ba-se sa rule of succession.
