Provincial chairman sang LP sa Capiz ginkumpirma ang pagsuporta sa kandidatura ni anay SAP Bong Go

ROXAS CITY – Ginkumpirma sang Provincial Chairman sang Liberal Party ang pagsuporta sa kandidatura ni anay Special Assistant to the President Bong Go.

Ini ang nangin pahayag ni Governor Antonio del Rosario kasunod sang pagbisita ni Go sa probinsiya sang Capiz sang nagligad nga Sabado.

Sa exclusive interview sang Bombo Radyo Roxas kay Governor del Rosario, ginpahayag sini nga nagpromesa ini kay Go nga suportahan sini ang pagpadalagan sini bilang Senador sa May 2019 midtern election.

Ginpalab-ot man sang gobernador kay Go ang iya pagkabalaka nga posible makaangkon sang problema bangud indi sila magka partido.

Apang ang sabat ni anay SAP Go nga indi ini isyu bangud ang importante ang suporta nga ihatag sini sa iya nga kandidatura.