ROXAS CITY – Patay ang 33-anyos nga pulis matapos naaksidente sa motorsiklo sa Barangay Tabuc Sur, Panit-an, Capiz.
Nag-angkon sang pilas sa uko kag iban nga parte sang lawas si PO1 Amorlin Barruela sang Poblacion Ilaya, Maayon, Capiz, na-assign sa 2nd aklan provincial mobile force company sa Aklan.
Sa interview sang Bombo Radyo sa Panit-an Municipal Police Station, ila ginpahayag nga gikan sa Barangay Bailan, Pontevedra, Capiz ang biktima kag padulong sa Roxas City, apang pag-abot sa national highway sang Panit-an sa atubang sang merkado publiko sang nasambit nga banwa nakabunggo ang motorsiklo ni PO1 Barruela sa steel railings sa tulay.
Bangud sa impact sang pagkabunggo, nagtabog ang biktima sa iya nga motorsiklo.
Gindala pa sa ospital ang biktima, apang gindeklara ini nga dead on arrival sang doktor.
