ROXAS CITY -Nagapangayo sang bulig sang 57-anyos nga PWD ukon Person with Dissability nga makaangkon sang balay bangud nga naga-estar lamang ini sa isa ka musoleo sa sulod sang Banica Public Cemetery sa Barangay Banica Roxas City.
Madamo sang mga concerned citizen ang nagpalab-ot sa Bombo Radyo natuhoy sa sitwasyon ni Charlie Casugbo nga naga-istar sa nasambit nga patyo.
Nahibaluan gikan kay Casugbo nga halos isa katuig na ini nga naga-estar sa sulod sang nasambit nga musoleo matapos nga nagbiya gikan sa Mindanao.
Apisar nga nabudlayan nga maghambal, ginpahayag ni Casugbo nga nagaproblema ini bangud natalana ini nga pahalinon sang tagdumalahan sang nasambit nga patyo.
Suno kay Casugbo nga pagpaminta sang mga pantyon ukon lulubngan ang iya ginakuhaan sang pang adlaw-adlaw nga kinahanglanon apang tuman ka piot ang sitwasyon subong dala sang pandemiya.
Gindugang pa ni Casugbo nga may pila ka mga indibidwal nga masami naga hatag sa iya sang mga pagkaon apang indi ini bastante sa isa ka adlaw.
Emosyonal man ini sang ginpamangkot natuhoy sa ginbayaan sini nga mga himata sa Mindanao.
