ROXAS CITY – Ginklaro sang Roxas City Police Station nga wala ginlabo ang 21-anyos nga delivery boy sa Roxas Avenue, Roxas City.
Sa interview sang Bombo Radyo kay Police Master Sergeant Ramil Arcangeles ginpahayag sini nga sandig sa ila nga imbestigasyon nagaguwa nga naghapit sa nasambit nga lugar ang biktima nga si Ronnie Pantia kun sa diin may yara sang babayi nga naghulam sang iya nga bisikleta.
Dugang pa ni Arcangeles nga madugay nga ginbalik sang wala ginhingadlan nga babayi ang bisikleta sang biktima, ginkaakig ini Pantia kun sa diin may yara sang natabo nga pagbinaisay sa tunga sang mga imbolbado.
Apang hinali lamang nga nagdinumugay ang biktima kag mga by-stander nga ginapatihan nag-apin sa mga babayi.
Gin-athag man ni Arcangeles nga ang pilas nga naangkon ni Pantia ang indi tuga sang pagpanglabo kabaliskaran sang alegasyon sang biktima.
Matandaan nga nagpadulong si Pantia sa Roxas City Police Station matapos nga ginaalegar ginlabo sang wala matumod nga suspek matapos nga nagpamalibad nga magkuha sang G.R.O.
